رسالة من مصري واقعي نوعا ما ... منقول

بمنتهى الصراحة مش لازم نخسر كل حاجة الصعود لكأس العالم وإخوتنا فى الجزائر

هل تعتقد ان الجزائر مسؤولة عن خسارة مصر نقطتين فى مبارة زامبيا فى استاد القاهرة؟

هل تعتقد ان الجزائر مسؤلة عن عدم الفوز على روندا رايح جاى بعدد وافر من الاهداف؟

بالعكس دى تعتبر قدمت لينا خدمة بالتعادل مع روندا فى روندا!

وطبعا مش ذنب الجزائر انها فازت علينا فى الجزائر دا حقها وهدف مشروع ليها زى ماهو هدف مشروع لينا

ولا تعمدوا يصيبوا حد ولا تضيع وقت والجمهور كان شبة ملتزم !

مفيش حجة لينا ولا اعتقد ان ليهم علاقة بشطحات المدير الفنى حسن بية شحاتة! Laughing

الناس عملوا اللى احنا مقدرناش نعملة كسبوا خارج ملعبهم بنتيجة محترمة 2/0 وربنا اكيد وفقهم علشان اخلصوا النية من لعيبة لجهاز فني

وكمان عملوا اللى مقدرناش علية وكسبوا زامبيا فى الجزائر

ونتيجة لكل دا فرصتهم اكيد كبيرة فى الصعود..ولكن!

دى مش دعوة للانهزامية لا ربنا قادر يوفقنا ويجعل حسن بية يخلص النية لله وللشعب الغلبان دة وربنا حيكرمه اكيد لو عمل كدا

بس يا ريت لو محصلش نهنئ الاخوة الجزائريين بالصعود وتكون امنية المصريين فى حالة اخفاق مصر فى الصعود أن الجزائر تصعد ودة لانها حتى الان هى من تستحق إلا اذا الجهاز المبجل بتعنا فاق من الغيبوبة وبطل يلعب بالألوان .. - هنا صاحبنا بدأت تراوده أحلام اليقظة - lol!

واتمنى من الجزائريين أنهم يبادلونا نفس الشعور وان كانت فرصتهم اكبر ولكن لو حصل العكس وصعدنا دا شئ نستحق التهنئة علية وزى ما احنا احتمال كبير نشجعهم فى المونديال لانهم الاقرب لو كان المونديال من نصيبنا يشجعونا لأننا شعب مسلم وعربى شعب واحد ... الله أكبر

ما رأيكم ؟

مبدع كتب:: بس يا ريت لو محصلش نهنئ الاخوة الجزائريين بالصعود وتكون امنية المصريين فى حالة اخفاق مصر فى الصعود أن الجزائر تصعد ودة لانها حتى الان هى من تستحق إلا اذا الجهاز المبجل بتعنا فاق من الغيبوبة وبطل يلعب بالألوان .. - هنا صاحبنا بدأت تراوده أحلام اليقظة -
ما رأيكم ؟

أعطانا مقدمة مليحة برك باش يبدا يحلم
لكن الأحلام تزول أمام الأفناك والكابتن ماجد

شكرا لك على
إيصال هذه الرسالة

ننتظر جديدك

///
///

///
دمت للمنتدى